Негізгі қауіпсіздік шаралары:

• Шамды тек жанбайтын қауіпсіз бетке қою қажет, сондықтан міндетті түрде шам ұстағышты қолданыңыз.
• Жанған шамдардың жанында тез тұтанатын заттарды алысқа қойыңыз.
• Адамдар көп жүретін жерлерде шам қою ұсынылмайды, себебі оларды оңай қағып кетуі мүмкін.
• Шамды тұтатар алдында әрдайым білтесін жарты сантиметрге қысқартыңыз.
• Үйіңізде өртке қарсы түтін дабылы орнатылғанына көз жеткізіңіз.
• Шамды сөндіргеннен кейін білтенің сөніп, тлімей тұрғанына назар аударыңыз.
• Жанған шамдардың жанында болғанда, киіміңіздің салбырап тұрған бөліктері мен шашыңызға мұқият болыңыз. Оларды отқа тым жақындату қауіпті.
• Кейбір шамдардағы декоративті элементтер тек әшекей ретінде қолданылады, сондықтан шамды тұтатар алдында олардың сәндік бөлшектерін (ленталар, бантиктер және т.б.) алып тастаңыз.

Тыйым салынады:

• Шамдарды перделердің жанына қоюға болмайды.
• Жанған шамдарды жел өтінде немесе ашық терезенің жанында қалдыруға болмайды.
• Сіріңке мен оттықтарды балалардың қолы жетпейтін жерге қою керек.
• Жанған шамды қараусыз қалдыруға болмайды.
• Шамға тым төмен еңкеюге болмайды.
• Жаңа жылдық шыршаны шамдармен безендіруге қатаң тыйым салынады.

Шамды сөндіру:

• Жанып тұрған балауыз шамға су құюға болмайды, бұл өрттің шығуына себеп болуы мүмкін. Өрттің таралу қаупі жоғары болып, оны сөндіру қиынға соғады.
• Шамды сөндіру үшін арнайы құралдарды (қалпақшасы бар сөндіргіштер) қолдану ұсынылады.
• Егер жану орын алса, онда жанған балауызды май жанған кездегідей әдіспен сөндіріңіз: жалынды тығыз матамен жабыңыз.

Шыршаны орнату және безендіру:

• Жаңа жылдық шыршаны плиталардан, пештерден, каминдерден, жылыту құрылғыларынан және қыздыру элементтерінен алыс орналастырыңыз.
• Шыршаны жолды бөгемейтіндей етіп қойыңыз, бөлмеден шығатын есіктер мен өткелдерді ашық қалдырыңыз.
• Тұрақты тіреуішті пайдаланыңыз. Бұл әсіресе үйде кішкентай балалар мен үй жануарлары болса, өте маңызды.
• Шыршаны нағыз шамдармен және тез тұтанатын әшекейлермен безендірмеңіз: қағаз гирляндалар, қар ұшқындары, мақта немесе арнайы өңделмеген картоннан жасалған ойыншықтар өрт қаупін арттырады.
• Бенгал шамдарын, хлопушкаларды және шамдарды шыршаға жақын жерде пайдалануға болмайды – бұл өртке әкелуі мүмкін.
• Балалардың шыршаның жанында үлкендерсіз ойнауына және ашық отты (сіріңке, шам және т.б.) қолдануына рұқсат етпеңіз.
• Зауыттық өндірістен шыққан электр гирляндаларын ғана сатып алыңыз. Барлық электр өнімдерінің сапа сертификаты болуы керек.

Негізгі қауіпсіздік шаралары:

• Егер гирляндада ақаулар байқалса – жағымсыз иіс, ұшқын шығару, шамдардың жыпылықтауы, сымдардың қызуы – оны дереу сөндіріп, жөндеу шараларын қолданыңыз.
• Ақау жойылғанға дейін гирлянданы қолданбаңыз!
• Егер шырша өртеніп кетсе, оны еденге құлатып, ауа кіруін шектеңіз – көрпемен немесе тығыз жабынмен жабыңыз, содан кейін сумен өшіріңіз.

Ата-аналарға ескерту!

Балалар шыршаның айналасында қол ұстасып ойнағанды ұнатады. Ата-аналар өз кезегінде балалардың киімінде тез тұтанатын материалдар – мақта, картон, қағаз немесе дәке болмауын қамтамасыз етуі тиіс.

Балаларыңызды қорғаңыз!

Фейерверктер, салюттар, петардалар, хлопушкалар мен бенгал шамдары – әсіресе қысқы мерекелерде кеңінен қолданылатын танымал тауарлар. Бұл заттардың құрамында оқ-дәрі, химиялық қоспалар және металл бөлшектері болады, сондықтан оларды қауіпсіз деп санауға болмайды.

Пиротехниканы дұрыс пайдаланбау, жарамдылық мерзімінің өтуі немесе жанғыш материалдардың жанында қолдану өртке немесе басқа да бақытсыз жағдайларға әкелуі мүмкін.

Қауіпсіздік үшін міндетті түрде:

• Пиротехниканың сәйкестік сертификаты мен өрт қауіпсіздігі талаптарына сай екендігін тексеріңіз.
• Орамасының бүтіндігін және жарамдылық мерзімін қараңыз.
• Қолдану нұсқаулығында қауіпсіз пайдалану ережелері, сақтау шарттары, қолдану шектеулері және өрт жағдайында қандай шаралар қабылдау керектігі нақты жазылуы тиіс.
• Фейерверктерді, салюттарды және от шашуларды ғимарат ішінде, адамдар көп жиналатын жерлерде, жанармай бекеттерінің, электр желілерінің және газ құбырларының жанында жаруға қатаң тыйым салынады!
• Жанғыш материалдардан алыс орналасқан ашық алаңды таңдаңыз және пиротехниканы пайдалану нұсқаулығына толықтай сәйкес әрекет етіңіз.
• От тұтанғаннан кейін қауіпсіз қашықтыққа шегініңіз.

Негізгі қауіпсіздік шаралары:

• Балаларға пиротехниканы өз бетінше жағуға немесе оның жанында болуға рұқсат бермеңіз.
• Фейерверктер мен салюттарды балалар мен үй жануарлары жете алмайтын жерде сақтаңыз, оларды қалтада алып жүруге болмайды.
• Егер зымыран ұшпай қалса, себебін бірден анықтауға тырыспаңыз. Кемінде 10 минут күтіп, содан кейін оны суға малып, қоқыспен бірге тастаңыз.
• Жанып біткен білтені қайта тұтатуға болмайды!
• Егер бөлмеңізге бөгде зымыран ұшып кірсе, оны ұстауға немесе толық жанғанға дейін сөндіруге тырыспаңыз.

Есіңізде болсын: мерекелік қауіпсіздік тікелей пиротехниканы дұрыс қолдануға байланысты!

Театрларда, концерт залдарында, дискотекаларда, дүкендерде, оқу орындарында, стадиондарда және базарларда болған өрттер аса қауіпті, себебі адамдар дүрбелеңге түсіп, жағдай бақылаудан шығып кетуі мүмкін. Ірі өрттер тарихынан белгілі болғандай, адамдардың көпшілігі түтін мен оттан емес, дүрбелең кезінде тапталып, қысылып қалады.

Негізгі қауіпсіздік шаралары:

• Кез келген бейтаныс ғимаратқа кірген кезде, негізгі және эвакуациялық шығу жолдарын есте сақтауға тырысыңыз.
• Егер громкоговоритель арқылы «Назар аударыңыз, өрт!» деген хабарландыруды естісеңіз, адамдардың «Өрт! Жанып жатырмыз!» деген айқайын естісеңіз, түтіннің иісін сезсеңіз немесе жалын көрсеңіз, сабыр сақтаңыз.
• Қауіпті аймақтың қай жақта екенін анықтап, үй-жайдан тыныш және дүрбелеңсіз ең қауіпсіз жолмен шығыңыз.
• Өрт сөндіру қызметіне «101» немесе «112» нөмірлері арқылы хабарласыңыз.
• Егер адамдар көп жиналып, топталып қалған жерден өтуге тура келсе, қолыңызды шынтақтан бүгіп, денеңізге жақын ұстаңыз. Алға қарай денеңізді сәл артқа еңкейтіп, артқы жағыңызбен қысымды тежеңіз.
• Түтін басқан бөлмеге кірмеңіз.
• Жоғарғы қабаттарға немесе алыс бөлмелерге қашып тығылмаңыз.
• Лифтіні пайдаланбаңыз.

Егер ғимараттан шыға алмасаңыз:

• Қатты түтін мен ыстықтың салдарынан ғимараттан шыға алмасаңыз, қауіпсіз орын тауып, құтқарушыларды күтіңіз.
• Өзіңіздің орналасқан жеріңізді білдіруге тырысыңыз:
• Ұялы телефон арқылы өрт сөндіру қызметімен немесе жақындарыңызбен байланысыңыз.
• Терезе арқылы ашық түсті мата бұлғаңыз немесе қатты айқайлаңыз.
• Сізге міндетті түрде көмек көрсетіледі!